హైదరాబాద్‌లో వరుస గొలుసు దొంగతనాలు.. పోలీసుల అదుపులో నిందితుడు!

హైదరాబాద్‌: నగరంలో వరుస దొంగతనాలకు పాల్పడిన నిందితుడు ఉమేశ్‌ను సైబరాబాద్ ఎస్ఓటీ పోలీసులు అదుపులోకి తీసుకున్నారు. నిందితుడు అహ్మదాబాద్ పారిపోయినట్లు గుర్తించిన పోలీసులు.. అతని కోసం బృందాలుగా గుజరాత్ వెళ్లారు. సాంకేతిక పరిజ్ఞానాన్ని ఉపయోగించుకొని అహ్మదాబాద్‌లో అదుపులోకి తీసుకొని హైదరాబాద్ తీసుకొస్తున్నారు.

ఈ నెల 19న ఉదయం 11 గంటల నుంచి 5 గంటలలోపు కమిషనరేట్ల పరిధిలో స్కూటీపై వెళ్లి మూడు 5 గొలుసు దొంగతనాలు చేశాడు. నిందితుడు దొంగతనాలకు ఉపయోగించిన స్కూటీని కూడా జియాగూడలో ఈ నెల 18వ తేదీన చోరీ చేసినట్లు పోలీసులు గుర్తించారు. నిందితుడు ఉమేశ్‌పై అహ్మదాబాద్, ముంబయిలోనూ దొంగతనాల కేసులున్నట్లు దర్యాప్తులో తేలింది.