అణగారిన వర్గాల హక్కుల పోరాట సమితి ఉపాధ్యక్షుడు మృతి

సచ్చిదానంద్‌

బన్సీలాల్‌పేట్‌, న్యూస్‌టుడే: అణగారిన వర్గాల హక్కుల పోరాట సమితి రాష్ట్ర ఉపాధ్యక్షుడు జవ్వాది సచ్చిదానంద్‌ (సత్యం) (64)గుండెపోటుతో హఠాన్మరణం చెందారు. కొంతకాలంగా అనారోగ్యానికి గురైన ఆయన చికిత్స పొందుతున్నారు. బుధవారం రాత్రి అస్వస్థతకు గురైన ఆయన్ను ఆసుపత్రికి తరలించగా అప్పటికే మృతి చెందినట్లు వైద్యులు నిర్ధారించారు. గురువారం సచ్చిదానంద్‌ భౌతికగాయాన్ని బన్సీలాల్‌పేటలోని ఆయన నివాసంలో ఆయా పార్టీలు, సంఘాలకు చెందిన నేతలు సందర్శించి నివాళి అర్పించారు. ఉపసభాపతి టి.పద్మారావుగౌడ్‌, కార్పొరేటర్లు చీర సుచిత్ర, కే.హేమలత, షెడ్యులు కులాల హక్కుల పరిరక్షణ సంఘం అధ్యక్షుడు సుదర్శన్‌బాబు, హెచ్‌యూజే నగర అధ్యక్షుడు ఈ.చంద్రశేఖర్‌తోపాటు ఆయా పార్టీలకు చెందిన నేతలు నివాళి అర్పించి సంతాపం తెలిపారు. గద్దర్‌ మాట్లాడుతూ తెలంగాణ ఉద్యమంతోపాటు, ఆయా సామాజిక ఉద్యమాల కార్యక్రమాల నిర్వహణలో సచ్చిదానంద్‌ కీలకపాత్ర పోషించారన్నారు. ఒక పాదయాత్రలో 300, మరో పాదయాత్రలో వెయ్యి కిలోమీటర్లు పాల్గొన్నారన్నారు.