హాల్‌ టికెట్‌ చూపిస్తే.. ఉచిత ప్రయాణం

పరిగి, న్యూస్‌టుడే: పదో తరగతి విద్యార్థులకు ఆర్టీసీ అధికారులు ప్రత్యేక ఏర్పాట్లు చేశారు. వేసవి సెలవులు కావడంతో ప్రత్యేకంగా విద్యార్థుల కోసం నడిపే బస్సులు రద్దయ్యాయి. పరీక్షల నేపథ్యంలో సోమవారం నుంచి పునరుద్ధరిస్తున్నారు. గ్రామాలకు కూడా వాటిని తిప్పేందుకు రంగం సిద్ధం చేశారు. విద్యార్థులు హాల్‌టికెట్‌ చూపిస్తే చాలు ఉచిత ప్రయాణానికి అనుమతిస్తున్నట్లు ఆర్టీసీ డిపో మేనేజర్‌ పవిత్ర తెలిపారు. విద్యార్థులు పరీక్షల వేళ మానసికంగా సిద్ధంగా కావాలని మండల విద్యాధికారి హరిశ్చందర్‌ అన్నారు. పరీక్షల నేపథ్యంలో ఆయన స్థానికంగా మాట్లాడుతూ ఎలాంటి భయాందోళనకు గురికావద్దన్నారు.