పగలూ.. రాత్రీ ఒకటే ధ్యాస.. కొలువే శ్వాస

ప్రభుత్వ ఉద్యోగ నోటిఫికేషన్లు విడుదలవుతుండడంతో అభ్యర్థులు సాధనపై మరింత దృష్టి పెడుతున్నారు. అశోక్‌నగర్‌ కేంద్ర గంథ్రాలయం వద్ద రాత్రుళ్లు సాధన చేస్తున్నారు. ఉస్మానియా వర్సిటీ లైబ్రరీ సాయంత్రం 4.30కే మూసేయగా చెట్ల కింద చదువుకున్నారు.

ఆదివారం.. సపరివారం

కరోనా భయం దాదాపుగా వీడిపోవడంతో వారాంతాలు పర్యాటక ప్రాంతాలు పాత రోజులను తలపిస్తున్నాయి. లుంబినీ పార్కు సహా పరిసర ప్రాంతాలు ఆదివారం కిటకిటలాడాయి. లుంబినీ పార్కులోని ఫౌంటెయిన్‌ వద్ద నీళ్లలో చిన్నారులు సందడి చేశారు.

పదిలమైన ఏర్పాట్లు

నగరవ్యాప్తంగా సోమవారం నుంచి ప్రారంభం కానున్న పదో తరగతి పరీక్షలకు పదిలమైన ఏర్పాట్లు చేశారు. పరీక్ష కేంద్రాల వద్ద ఏర్పాట్లను ఆదివారం విద్యాశాఖాధికారులు పరిశీలించారు. విజయ్‌నగర్‌ కాలనీ స్కూలులో హాల్‌టిక్కెట్ల నంబర్లతో కూడిన బోర్డును అమరుస్తున్న సిబ్బంది.