డ్రోన్లపై నిషేధం

రాయదుర్గం, న్యూస్‌టుడే: ఇండియన్‌ స్కూల్‌ ఆఫ్‌ బిజినెస్‌(ఐఎస్‌బీ), గచ్చిబౌలి స్టేడియం చుట్టూ 5 కిలోమీటర్ల పరిధిలో రిమోట్‌ కంట్రోల్‌ డ్రోన్‌లు, మైక్రో లైట్‌ ఎయిర్‌ క్రాఫ్ట్‌లు, పారా గ్లైడర్‌లు ఎగురవేయడంపై నిషేధం విధిస్తున్నట్లు నగర(సైబరాబాద్‌ ఇన్‌ఛార్జ్‌) పోలీస్‌ కమిషనర్‌ సీవీ ఆనంద్‌ ఉత్తర్వులు జారీ చేశారు. ఈ నెల 25న మధ్యాహ్నం 12 గంటల నుంచి 26న సాయంత్రం 6 గంటల వరకు ఉత్తర్వులు అమలులో ఉంటాయని తెలిపారు. ఈ నిషేధాజ్ఞలు ఉల్లంఘించి ఎవరైనా ఎగురవేస్తే ఐపీసీ సెక్షన్‌లు 188, 121, 121(ఏ), 287, 336, 337, 338 తదితర సెక్షన్‌ల కింద చర్యలు తీసుకుంటామని స్పష్టం చేశారు.