వాహనదారులకు ట్రాఫిక్‌ సమాచారం

ఈనాడు, హైదరాబాద్‌: రహదారులపై ట్రాఫిక్‌ జాంలు, సిగ్నళ్ల వద్ద పరిస్థితిపై పాదచారులు, వాహనదారులకు సమాచారం అందించే సాంకేతిక వ్యవస్థను అందుబాటులోకి తీసుకురావాలని సంబంధిత అధికారులను సంయుక్త కమిషనర్‌(ట్రాఫిక్‌) ఏవీ రంగనాథ్‌ కోరారు. సిగ్నళ్ల వ్యవస్థ, ట్రాఫిక్‌జాంల పరిష్కారాలపై శుక్రవారం ఆయన ట్రాఫిక్‌ కంట్రోల్‌ రూంలో ఐబీఐ సంస్థ, తెలంగాణ సాంకేతిక సేవల విభాగం ప్రతినిధులతో సమీక్ష నిర్వహించారు. క్షేత్రస్థాయిలో విధులు నిర్వహిస్తున్న ట్రాఫిక్‌ పోలీస్‌ అధికారులు ట్రాఫిక్‌జాంలు, అప్పటికప్పుడు ఉత్పన్నమయ్యే సమస్యలను వాహనదారులకూ చేరేలా కార్యాచరణ రూపొందించాలని ఆదేశించారు.