ప్రభుత్వ పాఠశాలల్లో ఆంగ్ల మాధ్యమం

ఈనాడు, హైదరాబాద్‌: వచ్చే విద్యా సంవత్సరం నుంచి ప్రభుత్వ పాఠశాలల్లో ఆంగ్ల మాధ్యమం ప్రారంభిస్తున్నట్లు రాష్ట్ర విద్యాశాఖ మంత్రి సబితారెడ్డి అన్నారు. మనబస్తీ.. మన బడి కార్యక్రమంలో భాగంగా పైలెట్‌ పద్ధతిన నగరంలోని అలియా ప్రభుత్వ మోడల్‌ పాఠశాలలో చేపట్టిన పనులను శుక్రవారం మంత్రులు మహమూద్‌ అలీ, తలసాని శ్రీనివాస్‌యాదవ్‌తో కలిసి పరిశీలించారు. అనంతరం మీడియాతో సబితారెడ్డి మాట్లాడుతూ.. వచ్చే విద్యా సంవత్సరానికి పుస్తకాల ముద్రణ దాదాపుగా పూర్తయ్యిందని చెప్పారు. ఎమ్మెల్యేలు రాజాసింగ్‌, అంజయ్యయాదవ్‌, విద్యాశాఖ కార్యదర్శి వాకాటి కరుణ, పాఠశాల విద్యాశాఖ సంచాలకురాలు శ్రీదేవసేన, ఇంటర్‌బోర్డు కార్యదర్శి ఉమర్‌ జలీల్‌, విద్యా మౌలిక సదుపాయాల సంస్థ ఛైర్మన్‌ శ్రీధర్‌రెడ్డి, కలెక్టర్‌ ఎల్‌.శర్మన్‌ పాల్గొన్నారు.