చిత్ర వార్తలు

మెగా.. యోగా

ఆజాదీ కా అమృత్‌ మహోత్సవాల్లో భాగంగా శుక్రవారం ఎల్బీ స్టేడియంలో యోగా ఉత్సవ్‌ను భారీ స్థాయిలో నిర్వహించారు. కేంద్ర మంత్రులు, భాజపా నేతలు యోగాసనాలు వేశారు. క్రికెటర్‌ మిథాలీరాజ్‌, టేబుల్‌టెన్నిస్‌ క్రీడాకారిణి నైనాజైశ్వాల్‌, సినీ నటి లావణ్య త్రిపాఠి ఆకట్టుకొన్నారు.

కేథరిన్‌ కేక

కొండాపూర్‌లో శుక్రవారం సినీ నటి కేథరిన్‌ సందడి చేశారు. ఈ కార్యక్రమంలో నృత్య దర్శకుడు జానీ మాస్టర్‌ తదితరులు పాల్గొన్నారు.

- న్యూస్‌టుడే, మాదాపూర్‌

ఆవేదన గుర్తించి.. ఇంటికి చేర్చి

ఈ విద్యార్థినిది మలక్‌పేట. బషీర్‌బాగ్‌లోని మహబూబియా పాఠశాలలో పదో తరగతి పరీక్ష రాసి శుక్రవారం 12.45 గంటలకు బయటకు వచ్చింది. ‘మనబస్తీ.. మనబడి’ బందోబస్తు నిమిత్తం వచ్చిన పోలీసుల ఫోన్‌తో తల్లిదండ్రులకు కాల్‌ చేసింది. ఎత్తకపోవడంతో 2.15 వరకు వేచి చూసింది. బాలిక ఆందోళనను గుర్తించిన పోలీసులు తమ వాహనంలో ఇంటికి చేర్చారు.

హీరోలు వెంకటేశ్‌, వరుణ్‌తేజ్‌ అభిమానులను అలరించారు. శుక్రవారం విడుదలైన ఎఫ్‌3 సినిమాను ఆర్టీసీ క్రాస్‌రోడ్‌లోని దేవి 70ఎంఎంలో హీరోయిన్‌ మెహ్రీన్‌, నిర్మాతలు దిల్‌రాజు, శిరీష్‌, దర్శకుడు అనిల్‌ రావిపూడితో కలిసి వీక్షించారు.

-న్యూస్‌టుడే, గాంధీనగర్‌