‘నంబర్‌-1 బ్రాండ్‌గా ఫ్రీడమ్‌ రిఫైండ్‌ సన్‌ఫ్లవర్‌ ఆయిల్‌’

ప్రదీప్‌ చౌదరి

ఈనాడు, హైదరాబాద్‌: సన్‌ఫ్లవర్‌ ఆయిల్‌ అమ్మకాల పరిమాణం విభాగంలో ఫ్రీడమ్‌ సన్‌ఫ్లవర్‌ ఆయిల్‌ నంబర్‌-1 బ్రాండ్‌గా నిలిచిందని జెమినీ ఎడిబుల్స్‌ అండ్‌ ఫ్యాట్స్‌ ఇండియా లిమిటెడ్‌ మేనేజింగ్‌ డైరెక్టర్‌ ప్రదీప్‌ చౌదరి పేర్కొన్నారు. బేగంపేట్‌లోని ఐటీసీ కాకతీయ హోటల్‌లో  శుక్రవారం జరిగిన ‘బిజినెస్‌ నావిగేషన్‌ అండ్‌ ఫ్యూచర్‌ ప్లాన్స్‌ ఫర్‌ జీఈఎఫ్‌ ఇండియా’ కార్యక్రమంలో ఆయన పాల్గొన్నారు. ఈ సందర్భంగా మాట్లాడుతూ.. నీల్సన్‌ ఐక్యూ మ్యాట్‌- 2022 నివేదిక ప్రకారం.. మార్కెట్‌లో 20.5శాతం వాటా కలిగి ఉన్నట్లు తెలిపారు. వినియోగదారుల లక్ష్యిత విధానం, విస్తృత శ్రేణి పంపిణీ నెట్‌వర్క్‌, నాణ్యతపై దృష్టి వల్లే ఇది సాధ్యమైందన్నారు. కార్యక్రమంలో సీనియర్‌ వైస్‌ ప్రెసిడెంట్‌ (సేల్స్‌ అండ్‌ మార్కెటింగ్‌) పి.చంద్రశేఖర్‌ పాల్గొన్నారు.