అలనాటి నటి కృష్ణవేణికి సత్కారం

కృష్ణవేణిని సత్కరిస్తున్న సాయికుమార్‌ తదితరులు

ఫిలింనగర్‌ న్యూస్‌టుడే: రాష్ట్రీయ తెలుగు సమాఖ్య గత నెల 8వ తేదీ నుంచి జులై 3 వరకు అంతర్జాలంలో జరుపుతున్న అంతర్జాతీయ ఘంటసాల శతజయంతి ఉత్సవాల్లో భాగంగా అలనాటి నటి, నిర్మాత సి.కృష్ణవేణిని ఫిలింనగర్‌లోని ఆమె స్వగృహంలో ఆదివారం ఘనంగా సత్కరించారు. ఘంటసాల శతజయంతి స్మారక జీవన సాఫల్య పురస్కారం అందజేశారు. కార్యక్రమంలో సినీ నటులు తనికెళ్ల భరణి, సాయికుమార్‌లు పాల్గొన్నారు. తాను ఇంకా చిత్రాలకు నిర్మాతగా పనిచేయాలని ఉందని, కూతురు తన వయసు రీత్యా ఒప్పుకోవడం లేదని కృష్ణవేణి పేర్కొన్నారు. కార్యక్రమంలో డా.కె.వి.రావు, పీవీపీసీ ప్రసాద్‌, పీవీ ప్రసాద్‌రావు, తదితరులు పాల్గొన్నారు.