ఆత్మహత్యల నివారణకు ఉచిత ఆన్‌లైన్‌ కౌన్సెలింగ్‌

హిమాయత్‌నగర్‌, న్యూస్‌టుడే: ఇంటర్‌ పరీక్షల్లో ఉత్తీర్ణత సాధించలేని విద్యార్థుల ఆత్మహత్యలకు వారి తల్లిదండ్రుల ఒత్తిడి కూడా కారణమని భారత ప్రగతిశీల మనస్తత్వ వేత్తల సంఘం జాతీయ అధ్యక్షురాలు డా.హిప్నో పద్మా కమలాకర్‌ పేర్కొన్నారు. బుధవారం హిమాయత్‌నగర్‌లోని శ్రీశ్వేత ఆస్పత్రిలో ఏర్పాటుచేసిన విలేకరుల సమావేశంలో ఆమె, వైద్యులు డాక్టర్‌ నాగేశ్వరిరావు, డాక్టర్‌ పి.స్వరూప రాణితో కలసి మాట్లాడారు. విద్యార్థుల్లో మానసిక స్థైర్యం నింపేందుకు, ఆత్మవిశ్వాసం నెలకొల్పేందుకు తాము ఉచితంగా ఆన్‌లైన్‌ ద్వారా కౌన్సెలింగ్‌ ఇస్తామని తెలిపారు. అవసరమైన వారు 93900 44031, 93900 44040 చరవాణి నంబర్లలో సంప్రదించాలని వివరించారు.