HMDA: హెచ్‌ఎండీఏ ప్లాట్ల వేలం... తొర్రూరులో గజం రూ.35,550

హైదరాబాద్‌: రంగారెడ్డి జిల్లా అబ్దుల్లాపూర్‌మెట్‌ మండలం తొర్రూరు మున్సిపాలిటీ పరిధిలో హెచ్‌ఎండీఏ అభివృద్ధి చేసిన తొర్రూర్‌ లేఅవుట్‌లో ప్లాట్లు వేలం వేశారు. రెండో దఫా 140 ప్లాట్లను వరుసగా 3 రోజుల పాటు ఆన్‌లైన్‌ వేలం ద్వారా హెచ్‌ఎండీఏ విక్రయించనుంది. శుక్రవారం రెండు సెషన్లలో 42 ప్లాట్లకు జరిగిన ఆన్‌లైన్‌ వేలంలో 41 ప్లాట్లు కొనుగోలు చేసేందుకు ఔత్సాహికులు పోటీ పడ్డారు. ఉదయం సెషన్‌లో అత్యధికంగా గజం రూ.33,000లు, అత్యల్పంగా గజం రూ.23,000లు పలికింది. సాయంత్రం సెషన్‌లో అత్యధికంగా గజం రూ.35,550లు బిడ్‌ చేయగా.. అత్యల్పంగా గజం రూ.21,000లు ధర పలికింది. మొత్తం రూ.33.58 కోట్ల విలువజేసే 41 ప్లాట్లకు ఆన్​లైన్​ వేలం ద్వారా అమ్మకాలు జరిగాయి. మిగతా 106 ప్లాట్లకు శనివారం, సోమవారం ఆన్‌లైన్‌ ద్వారా వేలం జరగనుంది.