తూర్పు, ఉత్తరాన వాన

తెలుగు తల్లి పైవంతెన వద్ద పడుతున్న వర్షం

ఈనాడు, హైదరాబాద్‌: నగరంలో శనివారం సాయంత్రం పలు ప్రాంతాల్లో తేలికపాటి నుంచి ఓ మోస్తరు వర్షం కురిసింది. పశ్చిమ నగరం వైపు కమ్ముకున్న మేఘాలు క్రమంగా ఉత్తరం మీదుగా తూర్పు వైపు కదలడంతో ఆయా ప్రాంతాల్లో జోరు వాన కురిసింది. కుత్బుల్లాపూర్‌, అల్వాల్‌, ఉప్పల్‌, మల్కాజిగిరి ప్రాంతాల్లో ఈ ప్రభావం కన్పించింది. గాలులు వీయడంతో అనేక ప్రాంతాల్లో అర గంట నుంచి గంట పాటు విద్యుత్తు సరఫరా నిల్చిపోయింది. మియాపూర్‌ లక్ష్మీనగర్‌ కాలనీలో 3 గంటల పాటూ కరెంటు లేదని వినియోగదారుడు రవి ఫిర్యాదు చేశారు.
నేడు వర్ష సూచన.. నగరంలో ఆదివారం ఆకాశం మేఘావృతమై ఉంటుంది. తేలికపాటి నుంచి ఓ మోస్తరు వర్షాలు కురిసే అవకాశం ఉంది.

వర్షపాతం (మిల్లీ మీటర్లలో)
గాజులరామారం 26.3
జీడిమెట్ల 23.0
షాపూర్‌నగర్‌ 22.0
అల్వాల్‌ 19.5
మౌలాలి 17.8
కుత్బుల్లాపూర్‌ 17.3
నేరేడ్‌మెట్‌ 16.0
హైదర్‌నగర్‌ 12.5
కాప్రా 11.5
తిరుమలగిరి 11.0