రైల్వే విధ్వంసం నిందితులకు రెండు రోజుల కస్టడీ

నిందితులను వాహనంలో తరలిస్తున్న రైల్వే రక్షణ దళం

చంచల్‌గూడ, రెజిమెంటల్‌ బజార్‌, న్యూస్‌టుడే: అగ్నిపథ్‌ పథకానికి వ్యతిరేకంగా జూన్‌ 17న సికింద్రాబాద్‌ స్టేషన్‌లో విధ్వంసం సృష్టించి అరెస్టయిన నిందితులను రైల్వే పోలీసులు విచారణ నిమిత్తం కస్టడీకి తీసుకున్నారు. చంచల్‌గూడ జైల్లో ఉంటున్న 45 మంది నిందితుల రెండు రోజుల కస్టడీకి రైల్వే న్యాయస్థానం అనుమతించింది. ఉత్తర్వులు శుక్రవారం సాయంత్రం  జైలు అధికారులకు చేరాయి. నిందితులు 45 మంది ఉండటంతో రైల్వే పోలీసులు భారీ బందోబస్తుతో రెండు ప్రత్యేక వాహనాల్లో శనివారం ఉదయం తీసుకెళ్లారు.ఈ సంఘటనలో రెండో దఫా, మూడో దఫా అరెస్టయిన ఏ2 నిందితుడు పృథ్వీరాజ్‌ రాథోడ్‌, మరో కీలక నిందితుడు ఆవుల సుబ్బారావుతో సహా 12 మంది చంచల్‌గూడ జైల్లోనే జ్యుడిషియల్‌ కస£్టడీలో ఉన్నట్లు సమాచారం.