నిషేధిత పాలిథిన్‌ వాడితే భారీ జరిమానా

వస్త్ర దుకాణంలో తనిఖీలు చేస్తున్న కమిషనర్‌ ప్రవీణ్‌కుమార్‌, ఛైర్మన్‌ అశోక్‌కుమార్‌

పరిగి: ప్లాస్టిక్‌ వినియోగంలో ప్రభుత్వ నిబంధనలు విధిగా పాటించాలని మున్సిపల్‌ కమిషనర్‌ ప్రవీణ్‌కుమార్‌, ఛైర్మన్‌ అశోక్‌ కుమార్‌ వ్యాపారులను హెచ్చరించారు. శనివారం పలు దుకాణాలను తనిఖీ చేశారు. ఈ సందర్భంగా మాట్లాడుతూ 100 మైక్రాన్ల కంటే  తక్కువ ఉన్న వాటిని ప్రభుత్వం నిషేధించిందని, దీనిపై ఇప్పటికే ఆదేశాలు జారీ చేసిందని చెప్పారు. ఈ జాబితాలో అనేకం ఉన్నాయని వాటిని వినియోగించరాదని సూచించారు. నిబంధనలు పాటించకుంటే వ్యాపారులకు భారీ జరిమానాలతో పాటు లైసెన్సులు రద్దు చేస్తామని తెలిపారు. ప్రజారోగ్యంపై ప్లాస్టిక్‌ తీవ్ర హానీ కలిగిస్తోందని ప్రజలు వాటికి దూరంగా ఉండాలన్నారు. ప్లాస్టిక్‌ బదులుగా జ్యూట్‌ బ్యాగులు వాడాలన్నారు.