‘దేశవ్యాప్తంగా గురుకులాల ఏర్పాటుకు ప్రభుత్వాలపై ఒత్తిడి’

మాట్లాడుతున్న కృష్ణయ్య. చిత్రంలో బాలయ్య, చంటి, వేముల రామకృష్ణ, గుజ్జకృష్ణ తదితరులు

నల్లకుంట, న్యూస్‌టుడే: దేశవ్యాప్తంగా గురుకులాలు ఏర్పాటు చేసేలా రాష్ట్ర ప్రభుత్వాలపై ఒత్తిడి తీసుకొస్తానని, రాజ్యసభ సభ్యుడు, బీసీ సంక్షేమ సంఘం జాతీయ అధ్యక్షుడు ఆర్‌.కృష్ణయ్య అన్నారు. ఆదివారం విద్యానగర్‌ బీసీ భవన్‌లో గురుకుల పాఠశాలల విద్యార్థుల సమావేశంలో ఆయన మాట్లాడారు. పోరాటాల వల్ల తెలుగు రాష్ట్రాల్లో 1200 గురుకులాలు ఏర్పాటయ్యాయని, మరిన్ని మంజూరు చేయాలన్నారు. గురుకులాల్లో పదో తరగతిలో 10 జీపీఏ సాధించిన విద్యార్థులకు పీఎస్‌వీజీ ఫౌండేషన్‌ ఆధ్వర్యంలో బహుమతులు అందజేశారు. ఫౌండేషన్‌ ఛైర్మన్‌ మురళీగౌడ్‌, ఉమ పాల్గొన్నారు.