‘నామమాత్రంగా అధికార భాషా సంఘాలు’

నారాయణగూడ, న్యూస్‌టుడే: రెండు తెలుగు రాష్ట్రాల్లో అధికార భాషా సంఘాలు నామమాత్రంగానే ఉన్నాయని తెలంగాణ రాష్ట్ర ప్రభుత్వ సలహాదారు డా.కె.వి.రమణాచారి అన్నారు. నండూరి రామకృష్ణమాచార్య సాహిత్య పీఠం, నవ్యసాహితీ సమితిల ఆధ్వర్యంలో మంగళవారం రాత్రి పొట్టి శ్రీరాములు తెలుగు విశ్వవిద్యాలయంలోని ఎన్టీఆర్‌ కళామందిరంలో ‘మహాకవి నండూరి రామకృష్ణమాచార్య’ శతజయంతి మహోత్సవాలు జరిగాయి. ముఖ్యఅతిథి డా.కె.వి.రమణాచారి మాట్లాడుతూనండూరి తెలుగు భాష కోసం ఎంతో పాటుపడ్డారన్నారు. ఓయూ పూర్వ డీన్‌ ఆచార్య ఎస్‌.వి.రామారావు, కవి నారుమంచి వెంకట అనంతకృష్ణ, సాధన సాహితీ స్రవంతి అధ్యక్షుడు సాధన నరసింహాచార్య మాట్లాడారు. మరుమాముల దత్తాత్రేయ శర్మ, డా.ఆచార్య ఫణీంద్ర, వి.ఎస్‌.ఆర్‌.మూర్తి, డా.వెల్దండ నిత్యానందరావు, ఉదయబాబు తదితరులు పాల్గొన్నారు.