భాగ్యనగరంలో జడివాన

ఈనాడు, హైదరాబాద్‌: రాజధానిలో మంగళవారం వరుణుడు విజృంభించాడు. మధ్యాహ్నం 3.30గంటలకు మొదలైన వాన.. అర్ధరాత్రి వరకు ఏదో ఓ ప్రాంతంలో కురుస్తూనే ఉంది. ఖైరతాబాద్‌, పంజాగుట్ట, అత్తాపూర్‌ ప్రాంతాల్లో రహదారులపై రాకపోకలకు తీవ్ర అంతరాయం ఏర్పడింది. రాత్రి 11 గంటల వరకు ఏఎస్‌.రావునగర్‌లో 3.85సెం.మీ వర్షం పడింది. చర్లపల్లిలో 3.5, హెచ్‌సీయూలో 3, నేరెడ్‌మెట్‌లో 2.85, మౌలాలిలో 2.83, హఫీజ్‌పేటలో 2.58, మాదాపూర్‌లో 2.55 సెం.మీ వాన పడింది. బుధవారం తేలికపాటి వర్షాలు కురిసే అవకాశం ఉంటుందని హైదరాబాద్‌ వాతావరణ కేంద్రం తెలిపింది.