వైభవంగా ఎల్లమ్మ తల్లి రథోత్సవం

సంజీవరెడ్డినగర్‌, న్యూస్‌టుడే: బల్కంపేట ఎల్లమ్మ కల్యాణ మహోత్సవాల్లో భాగంగా చివరి రోజైన బుధవారం రాత్రి అమ్మవారి రథోత్సవం అత్యంత వైభవంగా జరిగింది. విద్యుత్‌ దీపాలు, పూలతో సుందరంగా అలంకరించిన ప్రత్యేక రథంలో అమ్మవారు ఆశీనులు కాగా వేలాది మంది భక్తులు రథాన్ని ముందుకు లాగారు. రథోత్సవాన్ని మంత్రి తలసాని శ్రీనివాస్‌ యాదవ్‌ దంపతులు ప్రత్యేక పూజలు చేసి ప్రారంభించారు. శివసత్తుల బోనాల సందడి, కోలాటం, యువకుల నృత్యాలు, దేవతామూర్తుల వేషధారణలతో పలువురు సందడి చేయగా బల్కంపేట, సంజీవరెడ్డినగర్‌, బీకేగూడ, శ్రీరామ్‌నగర్‌ కాలనీల మీదుగా ఊరేగింపు నిర్వహించారు.