ఆవుల సుబ్బారావు సహా మరో ముగ్గురికి పోలీసు కస్టడీ

రెజిమెంటల్‌బజార్‌, న్యూస్‌టుడే: సికింద్రాబాద్‌ రైల్వేస్టేషన్‌లో జరిగిన విధ్వంసం కేసులో సూత్రధారి ఆవుల సుబ్బారావుతోపాటు మరో ముగ్గురిని సికింద్రాబాద్‌ జీఆర్పీ పోలీసులు కస్టడీకి తీసుకుని విచారిస్తున్నారు. జూన్‌ 17న అగ్నిపథ్‌ను నిరసిస్తూ సికింద్రాబాద్‌ రైల్వేస్టేషన్‌లో సృష్టించిన విధ్వంసానికి సాయి డిఫెన్స్‌ అకాడమీ డైరెక్టర్‌ ఆవుల సుబ్బారావు మద్దతిచ్చారని ఆరోపణలతో రైల్వే పోలీసులు అతడిపై కేసు నమోదు చేశారు. ఈ కేసులో రిమాండులో ఉన్న అతడితోపాటు అనుచరులు మల్లారెడ్డి, శివకుమార్‌, బీసీరెడ్డిలను కోర్టు అనుమతితో జైలు నుంచి రెండు రోజుల విచారణ నిమిత్తం మంగళవారం సాయంత్రం కస్టడీకి తీసుకున్నారు.