చిత్ర వార్తలు

చరిత దర్శనం.. ఉచిత సందర్శనం

చార్మినార్‌కు పర్యాటకుల తాకిడి పెరిగింది. ఆజాదీ కా అమృత్‌ మహోత్సవాలను పురస్కరించుకొని ఈనెల 5 నుంచి 15 వరకు ఉచిత ప్రవేశం కల్పిస్తున్నారు. ఉచిత ప్రవేశానికి తోడు శనివారం కావడంతో ఆరు వేలకు పైగానే సందర్శకులు వచ్చారు.

-న్యూస్‌టుడే, చార్మినార్‌

మనిషికో బండి.. వీధిలో ఖాళీ ఏదండి

ప్రతి వ్యక్తికీ ఓ వాహనం తప్పనిసరైన ప్రస్తుత పరిస్థితుల్లో అప్పో సప్పో తెచ్చి బండి కొనుక్కున్నా దాన్ని నిలిపి ఉంచటానికి మహానగరంలో చోటు దొరకడం గగనమైపోతోంది. అందరూ ఇలా ఇంటి ముందు నిలిపి ఉంచటం వల్ల గల్లీలు అడుగు కూడా పెట్టలేని విధంగా మారిపోతున్నాయి. ఫిలింనగర్‌లోని ఓ వీధిలో కనిపించిన దృశ్యమిది.

దర్జాగా కునుకు.. ఠాణా అన్నా మాకేం వణుకు

శునకాలు చక్కగా కునుకు తీస్తోంది ఓ పోలీస్‌స్టేషన్‌లో.. అలాగని ఇవేమీ శిక్షణ పొందిన జాగిలాలూ కాదు.. వీటిని పోలీసు సిబ్బంది పోషించడమూ లేదు. నగరంలో వీధికుక్కలు స్వైర విహారం చేస్తున్నాయి. ప్రభుత్వ ఆసుపత్రులు, రైల్వేస్టేషన్లు, బస్టాండ్లతోపాటు ఇప్పుడు ఠాణాల్లోనూ తిష్ఠ వేస్తున్నాయి. వెస్ట్‌ జోన్‌ పరిధి నల్లకుంట పోలీస్‌స్టేషన్లో రాత్రి వేళ నిద్రించాయిలా..