‘మూసీ’ కలుషితం కానీయొద్దు

వివరాలు సేకరిస్తున్న బృందం సభ్యులు

పూడూరు, న్యూస్‌టుడే: ఈ ప్రాంతం నుంచి మూసీలోకి వెళ్లే నీరు కలుషితం కాకుండా చూడాలని జలవనరుల శాఖ విశ్రాంత అధికారి మహేందర్‌ పిలుపునిచ్చారు. స్థానిక ఇరిగేషన్‌ శాఖ అధికారులతో కలిసి శనివారం పూడూరు, కేరవెళ్లి, దేవనోనిగూడ, మంచ్‌పల్లి, కంకల్‌ తదితర గ్రామాల్లోని వాగులు, పరిశ్రమలు, కాలువలు తదితర నీటిని పరిశీలించారు. ఈ సందర్భంగా వారు మాట్లాడుతూ ఇక్కడి నుంచి పారేనీరు కలుషితం కావటంతో మూసీలోకి వెళ్లి పర్యావరణానికి ముప్పు ఏర్పడుతుందన్నారు. ఇరిగేషన్‌ అధికారి రాజేందర్‌రెడ్డి, పూడూరు సర్పంచి నవ్యారెడ్డి, ఉప సర్పంచి రాజేందర్‌ ఉన్నారు.