సీతారామం సినిమా ప్రదర్శన ఆలస్యం.. థియేటర్‌ వద్ద ప్రేక్షకుల ఆందోళన

హైదరాబాద్‌: సీతారామం (Sita Ramam) సినిమా ప్రదర్శన ఆలస్యం కావడంతో బంజారాహిల్స్‌లోని పీవీఆర్‌ ఆర్‌కే సినీఫ్లెక్స్‌ వద్ద ప్రేక్షకులు ఆందోళనకు దిగారు. ఆదివారం మధ్యాహ్నం 1.15 గంటలకు మొదలు కావాల్సిన ప్రదర్శన మధ్యాహ్నం 3గంటలకు కూడా ప్రారంభం కాకపోవడంతో ప్రేక్షకులు ఆగ్రహం వ్యక్తం చేశారు. సిబ్బందితో వాగ్వాదానికి దిగారు.  సాంకేతిక సమస్య వల్ల షో క్యాన్సిల్‌ అయిందని, టికెట్‌ డబ్బులు తిరిగి ఇస్తామని థియేటర్‌ యాజమాన్యం ప్రకటించింది. ఆదివారం సెలవురోజు సమయాన్ని వృథా చేశారంటూ పలువురు వాగ్వాదానికి దిగడంతో బంజారాహిల్స్‌ పోలీసులు ఘటనాస్థలికి చేరుకుని ఆందోళన కారులకు సర్దిచెప్పారు. 

దుల్కర్ సల్మాన్, మృణాల్ ఠాకూర్ జంటగా నటించిన సీతారామం చిత్రం ఈనెల 5న ప్రేక్షకుల ముందుకు వచ్చిన విషయం తెలిసిందే. ఈ  సినిమాకు హను రాఘవపూడి దర్శకత్వం వహించారు.