సమున్నత లక్ష్యాన్ని నిర్దేశించుకుని సాధించాలి

విద్యార్థినికి నగదు పురస్కారం, ప్రశంసాపత్రం, జాతీయ పతాకం అందజేస్తున్న విశ్వనాథం, దయానంద్‌. చిత్రంలో ఆర్యవైశ్య ప్రముఖులు

కాచిగూడ, న్యూస్‌టుడే: సమున్నత లక్ష్యాన్ని నిర్దేశించుకుని సాధించాలని ఇండియన్‌ ఇన్‌స్టిట్యూట్‌ ఆఫ్‌ మేనేజ్‌మెంట్‌, కామర్స్‌ ఛైర్మన్‌, విద్యావేత్త ఆచార్య వంగపల్లి విశ్వనాథం విద్యార్థులకు సూచించారు. ఆదివారం కాచిగూడలోని వైశ్యాహాస్టల్‌ సమావేశ మందిరంలో హైదరాబాద్‌ జిల్లా ఆర్యవైశ్య మహాసభ అధ్యక్షుడు మ్యాడం దయాకర్‌గుప్తా అధ్యక్షతన జరిగిన కార్యక్రమంలో, ఎస్సెస్సీ, ఇంటర్‌లో 90 శాతానికిపైగా మార్కులు సాధించిన 220 మంది విద్యార్థులకు పతకాలు, ప్రశంసాపత్రాలు, నగదు పురస్కారాలు, జాతీయ పతాకాలను ఎమ్మెల్సీ బొగ్గారపు దయానంద్‌తో కలిసి ఆయన అందజేసి మాట్లాడారు. మహాసభ జిల్లా ప్రధాన కార్యదర్శి లక్ష్మణ్‌గుప్తా, కోశాధికారి సుధాకర్‌గుప్తా, గౌరవ సలహాదారు వేలూరి రవీంద్రనాథ్‌గుప్తా తదితరులు పాల్గొన్నారు.