జాతీయ భావాన్ని పెంపొందించేందుకే ‘హర్‌ ఘర్‌ తిరంగా’

ర్యాలీలో గౌతంరావు, కార్పొరేటర్లు, నేతలు

బర్కత్‌పుర, న్యూస్‌టుడే: ప్రజల్లో జాతీయ భావాన్ని పెంపొందించి దేశ ఐక్యతను ప్రపంచానికి చాటి చెప్పేందుకు ‘హర్‌ ఘర్‌ తిరంగా అభియాన్‌’ దోహదపడుతుందని భాజపా హైదరాబాద్‌ సెంట్రల్‌ జిల్లా అధ్యక్షుడు డాక్టర్‌ ఎన్‌.గౌతంరావు అన్నారు. ఈ నెల 13, 14, 15 తేదీల్లో నిర్వహించే ‘హర్‌ ఘర్‌ తిరంగా’ కార్యక్రమంలో భాగస్వాములు కావాలని కోరుతూ భాజపా యువ మోర్చా ఆధ్వర్యంలో ఆదివారం ‘తిరంగా యాత్ర-బైక్‌ ర్యాలీ’ నిర్వహించారు. బర్కత్‌పురలోని భాజపా నగర కార్యాలయం నుంచి అంబర్‌పేట నియోజకవర్గంలోని పలు ప్రాంతాల్లో ర్యాలీ కొనసాగింది. భాజపా నేత బి.వెంకట్‌రెడ్డి, కార్పొరేటర్లు కె.ఉమారాణి, బి.పద్మ, వై.అమృత, యువ మోర్చా నేతలు సందీప్‌యాదవ్‌ తదితరులు పాల్గొన్నారు.