కరోనా సోకినా పీపీఈ కిట్‌తో వాదించిన న్యాయవాది

కోర్టుకు వస్తున్న లాయర్‌

ఈనాడు, హైదరాబాద్‌: కొవిడ్‌ పాజిటివ్‌గా నిర్ధారణ అయినా.. ఓ న్యాయవాది తన కక్షిదారు తరఫున వాదించడానికి కోర్టుకు వచ్చారు. పీపీఈ కిట్‌, గ్లౌజులు వంటివి ధరించి సికింద్రాబాద్‌లోని 12వ అదనపు చీఫ్‌జడ్జి న్యాయస్థానంలో క్లైయింట్‌ పక్షాన సెక్షన్‌ 195, 340 కింద పిటిషన్లు దాఖలు చేశారు. ఆయన కొవిడ్‌తో బాధపడుతూ..చికిత్స కోసం సికింద్రాబాద్‌లోని ఓ ప్రయివేటు ఆసుపత్రిలో చికిత్స తీసుకుంటున్న సమయంలో .. ఈ కేసుకు సంబంధించి న్యాయస్థానంలో జులై 27 నుంచి వాదనలు జరుగుతున్నాయి. కొవిడ్‌తో ఆయన హాజరు కాలేకపోయారు.  తన క్లైయింట్‌పై ప్రతివాద పార్టీలు న్యాయమూర్తి ముందు నిరాధారమైన అసత్య ప్రకటనలు చేసినట్లు గుర్తించి...తన వాదనలు వినిపించడానికి సోమవారం కోర్టుకి హాజరైనట్లు తెలిసింది.