నగదు చోరీ కేసులో ఇద్దరి అరెస్ట్‌

సైదాబాద్‌, న్యూస్‌టుడే: స్నేహితుడి ఇంటికి వచ్చి నగదుతో ఉడాయించిన ఇద్దరిని మలక్‌పేట పోలీసులు అరెస్ట్‌ చేశారు. ఇన్‌స్పెక్టర్‌ కస్పరాజు శ్రీనివాస్‌ వివరాల ప్రకారం.. గతనెల 30న స్థిరాస్తి వ్యాపారి ఎ.సాయిప్రకాష్‌రెడ్డి ఆహ్వానంతో ఇంటికి నల్గొండకు చెందిన నలపరాజు రాజేష్‌ (31), మిత్రుడు మెసుల ప్రవీణ్‌కుమార్‌ (28) వచ్చారు. మద్యం తాగి రూ.75 లక్షల నగదు బ్యాగుతో ఉడాయించారు. పోలీసులు ప్రవీణ్‌ను ఈనెల 5న అదుపులో తీసుకుని రూ.66,50,000 నగదు, 8న రాజేష్‌ను పట్టుకొని రూ.8,30,000 స్వాధీనం చేసుకున్నారు. రాజేష్‌ నల్గొండ టూటౌన్‌ ఠాణాలో రౌడీషీటర్‌.