సెంట్రల్‌ బ్యాంక్‌ ఆధ్వర్యంలో తిరంగా ర్యాలీ

ర్యాలీలో జోనల్ కేవీఎన్‌వీ సుబ్బారావు, ప్రాంతీయ హెడ్‌ పి.అనూప్‌కుమార్‌ తదితరులు

సుల్తాన్‌బజార్‌, న్యూస్‌టుడే: కేంద్ర, రాష్ట్ర ప్రభుత్వాల పిలుపు మేరకు ఆజాదీ కా అమృత్‌ మహోత్సవ్‌లో భాగంగా కోఠి బ్యాంక్‌స్ట్రీట్‌లోని సెంట్రల్‌ బ్యాంక్‌ జోనల్‌ కార్యాలయం ఆధ్వర్యంలో బుధవారం ‘తిరంగా ర్యాలీ’ కార్యక్రమం నిర్వహించారు. దీంతో పాటు సెంట్రల్‌ బ్యాంక్‌ ఈనెల 1 నుంచి 31వ తేదీ వరకు చేపట్టిన ‘సెంట్‌ క్రాంతి అభియాన్‌’ కార్యక్రమంలో భాగంగా ఆటో ర్యాలీ నిర్వహించారు. జోనల్‌ హెడ్‌ కేవీఎన్‌వీ సుబ్బారావు, రీజనల్‌ హెడ్‌ పి.అనూప్‌కుమార్‌, ఏజీఎం సీహెచ్‌ సత్యవాణితో పాటు ఇతర అధికారులు, ఉద్యోగులు పాల్గొన్నారు.