ఉగ్రవాద, అవినీతి వ్యతిరేక ర్యాలీ 15న

గోడపత్రికను ఆవిష్కరిస్తున్న అశోక్‌గాంధీ

గోల్నాక, న్యూస్‌టుడే: రాష్ట్రవ్యాప్తంగా యువజన సంఘాలను సమీకరించి ఈ నెల 15న లిబర్టీ నుంచి లోయర్‌ ట్యాంక్‌బండ్‌ భాగ్యనగర్‌ గోశాల వరకు ఉగ్రవాద, అవినీతి వ్యతిరేక ర్యాలీని నిర్వహించనున్నట్లు తెలంగాణ యువ మైత్రి సంఘ్‌ అధ్యక్షుడు, ర్యాలీ సమన్వయకర్త అశోక్‌గాంధీ తెలిపారు. శుక్రవారం చప్పల్‌బజార్‌లో ర్యాలీకి సంబంధించిన గోడపత్రికలను విడుదల చేసిన సందర్భంగా ఆయన మాట్లాడారు. పేదరికం, కుల, మత విద్వేషాలు నిర్మూలిస్తేనే దేశాభివృద్ధి సాధ్యమవుతుందన్నారు. దేశ పునర్నిర్మాణంలో యువత భాగస్వాములు కావాలన్నారు. ప్రతినిధులు సాక్షి, ప్రొఫెసర్‌ లలితానరేన్‌ తదితరులు పాల్గొన్నారు.