పార్లమెంటులో గోసంరక్షణ బిల్లు పెట్టాలి

కాచిగూడ, న్యూస్‌టుడే: పార్లమెంటులో గోసంరక్షణ బిల్లు ప్రవేశపెట్టి ఆమోదించాలని తెలంగాణ గోశాలల సమాఖ్య రాష్ట్ర గౌరవ అధ్యక్షుడు మహేశ్‌ అగర్వాల్‌ కేంద్ర ప్రభుత్వాన్ని కోరారు. ఆజాదీ కా అమృత్‌ మహోత్సవ్‌లో భాగంగా తెలంగాణ హిందీ జర్నలిస్టుల సంఘం అధ్యక్షుడు ప్రేమ్‌చంద్‌ మునోత్‌ ఆధ్వర్యంలో శుక్రవారం కాచిగూడ చౌరస్తాలో వీర్‌ సావర్కర్‌ విగ్రహం వద్ద నిర్వహించిన జాతీయ జెండాల పంపిణీ కార్యక్రమంలో ఆయన మాట్లాడారు. కాచిగూడ కార్పొరేటర్‌ ఉమారాణి, రమేశ్‌యాదవ్, సంఘం ప్రధాన కార్యదర్శి భరత్‌భట్, రితీశ్‌ జాగిర్దార్, రాజుగుప్త, శివ పాల్గొన్నారు.