నాగారం మండల ఏర్పాటుకు డిమాండ్‌

ధారూర్‌: మండల పరిధిలోని నాగారం గ్రామాన్ని నూతన మండలంగా ఏర్పాటుచేయాలని మంగళవారం గ్రామస్థులు, యువకులు ప్లకార్డులతో ర్యాలీ నిర్వహించారు. ఈ సందర్భంగా వారు మాట్లాడుతూ నాగారం పరిసర 18 గ్రామ పంచాయతీలతో కొత్త మండల ఏర్పాటుచేస్తే ఎంతో సౌలభ్యంగా ఉంటుందన్నారు. కొత్త మండలాల ఏర్పాటుకు ప్రభుత్వం చొరవ తీసుకుంటున్న నేపథ్యంలో తమ అవసరాలను కూడా గుర్తించాలన్నారు. పరిపాలన చేరువ కావడానికి నూతన మండలాలు ఎంతో దోహదం చేస్తా యన్నారు. విన్నపాలను పరిశీలించాలని కోరారు. కార్యక్రమంలో స్థానికులు వెంకట్‌రెడ్డి, కుద్రత్‌, బోయిని నర్సింలు, కరీం, తదితరులు పాల్గొన్నారు.