చిత్ర వార్తలు

నిండు కుండలు.. వ్యవసాయ బావులు..

ఎడతెరిపి లేకుండా నెలకు పైగా కురిసిన వర్షాలకు వ్యవసాయ బావులు నీటితో నిండుకుండలను తలపిస్తున్నాయి. ఎక్కడో అడుగంటినట్లు ఉండే బావులు సైతం నీటితో కళకళలాడుతున్నాయి. భూగర్భ జలాలు పైకి రావడంతో ఇలా జరుగుతోందని అధికారులు వివరిస్తున్నారు. నాగిరెడ్డిపల్లి గ్రామ సమీపంలోని ఊట బావిలో నీరు చేతికందే ఎత్తులోకి వచ్చి రైతులను సంబురపరుస్తోంది. ఇక యావపూర్‌ గ్రామంలోని బావి పూర్తిగా నీటితో నిండిపోయింది.

- న్యూస్‌టుడే, నవాబ్‌పేట

నిర్లక్ష్యం మహావృక్షమై

 

వర్షాలకు పాత భవనాలు కూలి ప్రమాదాలు జరుగుతున్నాయి. అయినా జీహెచ్‌ఎంసీ అధికారులు ఉదాసీనంగా వ్యవహరిస్తున్నారు. కోఠి నుంచి చాదర్‌ఘాట్‌ మార్గంలోని ఓ పాత భవంతిలో రావి మొక్క మొలిచి గోడలు బీటలు వారాయి. గోడలు కూలే అవకాశం ఉంది.