లాసెట్‌లో నగర విద్యార్థుల సత్తా

ఈనాడు, హైదరాబాద్‌: టీఎస్‌లాసెట్‌, పీజీఎల్‌సెట్‌-2022 ఫలితాల్లో నగర విద్యార్థులు సత్తా చాటారు. రెండు, మూడు, ఐదేళ్ల కోర్సుల ఫలితాలు బుధవారం విడుదలయ్యాయి. రెండేళ్ల కోర్సులో సికింద్రాబాద్‌ బ్రూక్‌బాండ్‌ కాలనీకి చెందిన మండల భరత్‌భూషణ్‌ మొదటి ర్యాంకు సాధించాడు.  టాప్‌-10లో 8 మంది నగర అభ్యర్థులే ర్యాంకులు పొందారు. మూడేళ్ల కోర్సులో రామంతాపూర్‌ గణేశ్‌నగర్‌కు చెందిన ఈమని హర్ష యశస్కర్‌ 3వ ర్యాంకు సాధించాడు. మరో ముగ్గురు టాప్‌-10లో చోటు దక్కించుకున్నారు. ఐదేళ్ల కోర్సులో నాగార్జుననగర్‌ కాలనీకి చెందిన కె.శ్రీచరణ్‌యజ్వీ మొదటి ర్యాంకు సాధించాడు. మరో ఏడుగురు టాప్‌-10లో చోటు దక్కించుకున్నారు.