ఉచిత ఇంజినీరింగ్‌ కెరీర్‌ కౌన్సెలింగ్‌ సదస్సు 21న

ఈనాడు, హైదరాబాద్‌: ఉస్మానియా వర్సిటీ మానవ వనరుల అభివృద్ధి కేంద్రం(హెచ్‌సీడీసీ) ఆధ్వర్యంలో ఈ నెల 21న ఉచితంగా ఇంజినీరింగ్‌ కెరీర్‌ కౌన్సెలింగ్‌ సదస్సు నిర్వహిస్తున్నట్లు కేంద్రం సంచాలకుడు ప్రొ.కె.స్టీవెన్‌సన్‌ ఒక ప్రకటనలో తెలిపారు. ఉదయం పది గంటలకు ఓయూలోని ఇంజినీరింగ్‌ కళాశాలలోని అసెంబ్లీ హాలులో సదస్సు ఉంటుందని పేర్కొన్నారు. ఆసక్తిగల విద్యార్థులు ఈనెల 20లోగా రిజిస్ట్రేషన్‌ చేసుకోవాలని, వివరాలకు 98850 85670 నంబరులో సంప్రదించాలన్నారు.టీఎస్‌ ఎంసెట్‌ కన్వీనర్‌ ప్రొ.ఎ.గోవర్ధన్, ఉన్నత విద్యామండలి ఛైర్మన్‌ ప్రొ.ఆర్‌.లింబాద్రి తదితరులు పాల్గొంటారన్నారు.