చిరు అభిమానుల కోసం కార్నివాల్‌

ఈనాడు, హైదరాబాద్‌: ‘‘చిరంజీవి పుట్టినరోజుని చాలా గ్రామాల్లో ఓ పండగలా జరుపుకొంటారు. అభిమానులకు ఎప్పటికీ గుర్తుండిపోయేలా ఈసారి హైదరాబాద్‌ హైటెక్స్‌లో ప్రత్యేకంగా కార్నివాల్‌ని ఏర్పాటు చేస్తున్నాం. సకల సదుపాయాలతో కూడిన ఈ కార్నివాల్‌కి అన్ని ప్రాంతాల అభిమానులూ పాల్గొనాల’’ని పిలుపునిచ్చారు నటుడు నాగబాబు. గురువారం  ఆయన హైదరాబాద్‌లో విలేకర్ల సమావేశం ఏర్పాటు చేశారు. ‘‘ఈ నెల 22న చిరంజీవి పుట్టినరోజు సందర్భంగా అభిమానులంతా ప్రత్యక్షంగా పాల్గొని ఆస్వాదించేలా కార్నివాల్‌ని ఏర్పాటు చేశాం. ఆ సంబరాల్లో మా కుటుంబ హీరోలు, ఇతర నాయకానాయికలు పాల్గొంటారు. మీకెవరికీ తెలియని కొన్ని విషయాల్ని ఈ సంబరాల్లో పంచుకుంటాన’’ని నాగబాబు తెలిపారు.