కోదండరామస్వామి ఆలయ భూముల లీజు రద్దు చేయాలి

గోల్నాక, న్యూస్‌టుడే: శంషాబాద్‌ సాతంరాయి కోదండరామస్వామి ఆలయ భూముల లీజు రద్దు చేయాలని శివసేన తెలంగాణ శాఖ డిమాండ్‌ చేసింది. ఆలయ భూముల లీజు రద్దు చేయాలనే డిమాండ్‌తో శుక్రవారం చాదర్‌ఘాట్‌ చౌరస్తాలో చేపట్టిన ఆందోళనలో శివసేన తెలంగాణ, ఏపీ ప్రధాన కార్యదర్శి సుదర్శన్‌ మాట్లాడారు. కొందరు అధికారులు అవినీతికి పాల్పడుతూ కోట్లాది రూపాయల ఆలయ భూములను ప్రైవేట్‌ వ్యక్తులకు ధారాదత్తం చేయడానికి యత్నిస్తున్నారని ఆరోపించారు. సీఎం కేసీఆర్‌, దేవాదాయ శాఖ మంత్రి ఇంద్రకరణ్‌రెడ్డి జోక్యం చేసుకుని విచారణకు ఆదేశించాలని కోరారు. శివసేన యువజన విభాగం రాష్ట్ర అధ్యక్షుడు గణేశ్‌, మహేశ్‌, శ్రీనివాస్‌ పాల్గొన్నారు.