తీగల వంతెనపై సైక్లిస్టుల సందడి

మాదాపూర్‌, న్యూస్‌టుడే: సైక్లింగ్‌ను నగరంలో మరింతగా ప్రోత్సహించేందుకు అవసరమైన మౌలిక వసతులు కల్పిస్తున్నామని పురపాలక శాఖ ముఖ్య కార్యదర్శి అర్వింద్‌ కుమార్‌ అన్నారు. ఔటర్‌ రింగ్‌రోడ్డు సమీపంలో ప్రభుత్వం 23 కిలోమీటర్ల సైక్లింగ్‌ ట్రాక్‌ నిర్మాణానికి చర్యలు చేపట్టిన నేపథ్యంలో ఆదివారం ప్రభుత్వానికి కృతజ్ఞతలు తెలుపుతూ పలువురు సైక్లిస్టులు ‘‘హైదరాబాద్‌ సైక్లింగ్‌ రెవల్యూషన్‌ 2.0’’ కార్యక్రమాన్ని చేపట్టారు. నగరంలోని వేర్వేరు ప్రాంతాల నుంచి సైక్లిస్టులు దుర్గంచెరువు కేబుల్‌ వంతెన మీదకు చేరుకొని సందడి చేశారు. ముఖ్య అతిథిగా విచ్చేసిన అర్వింద్‌కుమార్‌ మాట్లాడుతూ వచ్చే ఏడాది తొలినాళ్లలో ట్రాక్‌ అందుబాటులోకి వస్తుందని ఆశాభావం వ్యక్తం చేశారు.

సైకిల్‌పై అర్వింద్‌ కుమార్‌​​​​​​​