బీసీ ఉపాధ్యాయ సంఘం రాష్ట్ర అధ్యక్షుడిగా శ్రీనివాస్‌రావు

బీసీటీయూ నూతన కార్యవర్గంతో బీసీ సంక్షేమ సంఘం

జాతీయ అధ్యక్షుడు జాజుల శ్రీనివాస్‌గౌడ్‌, శ్రీనివాస్‌రావు తదితరులు

సుల్తాన్‌బజార్‌, న్యూస్‌టుడే: బీసీ ఉపాధ్యాయ సంఘం(బీసీటీయూ) రాష్ట్ర నూతన అధ్యక్షుడిగా సుంకర శ్రీనివాస్‌రావు ఎన్నికయ్యారు. ఆదివారం బొగ్గులకుంటలోని బీసీ సాధికారత భవన్‌లో జరిగిన బీసీటీయూ రాష్ట్ర కార్యవర్గ సమావేశంలో బీసీ సంక్షేమ సంఘం జాతీయ అధ్యక్షుడు జాజుల శ్రీనివాస్‌గౌడ్‌ నూతన కార్యవర్గాన్ని ఎన్నుకున్నారు. అధ్యక్షుడిగా ఖమ్మం జిల్లాకు చెందిన సుంకర శ్రీనివాస్‌రావుతో పాటు ప్రధానకార్యదర్శిగా హైదరాబాద్‌కు చెందన పసుపులేటి నరేంద్రస్వామి, ముఖ్యసలహాదారులుగా తాళ్లపల్లి సురేష్‌ను ఎన్నుకున్నారు. సంఘం నేతలు చక్రహరి రామరాజు, కుల్కచర్ల శ్రీనివాస్‌, నామని రాజేశ్‌, సాయితేజ, రాజుగౌడ్‌తో పాటు ఆయా జిల్లాల బీసీటీయూ నాయకులు తదితరులు పాల్గొన్నారు.