నేటి నుంచి ‘బతుకమ్మ ఫిల్మోత్సవ్‌’

రవీంద్రభారతి, న్యూస్‌టుడే: తెలంగాణ ఏర్పడిన తరువాత స్థానిక సినీ కళాకారులకు గుర్తింపు, గౌరవం లభిస్తున్నాయని రాష్ట్ర సాంస్కృతిక, పర్యాటక, ఆబ్కారీ శాఖ మంత్రి డా.వి.శ్రీనివాస్‌గౌడ్‌ అన్నారు. రాష్ట్ర భాషా సాంస్కృతిక శాఖ నిర్వహిస్తున్న ‘బతుకమ్మ ఫిల్మోత్సవ్‌’ గోడపత్రికను ఆదివారం రవీంద్రభారతిలో ఆవిష్కరించారు. ఈ సందర్భంగా ఆయన మాట్లాడుతూ.. తెలంగాణ దర్శక నిర్మాతలు, నటీనటులు, సాంకేతిక నిపుణులు కలిసి రూపొందించిన చిత్రాలను ఈ ఫిల్మోత్సవ్‌లో ఈనెల 26 నుంచి ప్రతీ రోజు సాయంత్రం 5 గంటలకు రవీంద్రభారతి ప్రివ్యూ థియేటర్‌లో ప్రదర్శిస్తామన్నారు. పర్యాటకాభివృద్ధి సంస్థ ఛైర్మన్‌ ఉప్పల శ్రీనివాస్‌గుప్తా, క్రీడాప్రాధికార సంస్థ ఛైర్మన్‌ అల్లీపురం వెంకటేశ్వర్‌రెడ్డి, సాంస్కృతిక శాక సంచాలకులు మామిడి హరికృష్ణ, మంత్రి కార్యాలయం అధికారి సత్యనారాయణ ఉన్నారు.