శంషాబాద్‌ విమానాశ్రయానికి రెండు జాతీయ పురస్కారాలు

పురస్కారాలు అందుకున్న జీహెచ్‌ఐఏఎల్‌ అధికారులు

శంషాబాద్‌, న్యూస్‌టుడే: శంషాబాద్‌ రాజీవ్‌గాంధీ అంతర్జాతీయ విమానాశ్రయం సిగలో మరో రెండు జాతీయ పురస్కారాలు చేరాయని సోమవారం జీహెచ్‌ఐఏఎల్‌ అధికారులు ఓ ప్రకటనలో తెలిపారు. కాన్ఫెడరేషన్‌ ఆఫ్‌ ఇండియన్‌ ఇండస్ట్రీ, గోద్రెజ్‌ గ్రీన్‌ బిజినెస్‌ సంస్థల ప్రతినిధులు సంయుక్తంగా విమానాశ్రయాలు కర్బన ఉద్గారాల నివారణ కోసం అవలంబిస్తున్న విధి విధానాలను క్షేత్ర స్థాయిలో పరిశీలించారు. ఇటీవల నిర్వహించిన ఎనర్జీ ఎఫిషియెన్సీ సమ్మిట్‌ 21వ ఎడిషన్‌లో శంషాబాద్‌ విమానాశ్రయం నేషనల్‌ ఎనర్జీ లీడర్‌, ఎక్స్‌లెంట్‌ ఎనర్జీ ఎఫిషియెంట్‌ యూనిట్‌ 2022 జాతీయ అవార్డులు గెలుచుకున్నట్లు ప్రకటించారు. వరుసగా నాలుగోసారి వరించిన ఈ పురస్కారాలను జీహెచ్‌ఐఏఎల్‌ చీఫ్‌ ప్రాజెక్టు అండ్‌ ఇంజినీరింగ్‌ అధికారి విజయ్‌ రాథోడ్‌,  ఎయిర్‌పోర్ట్‌ ఎలక్ట్రికల్‌ విభాగం ఏజీఎం భిక్షం భూక్యా అందుకున్నారు.