చట్టసభల్లో రిజర్వేషన్ల సాధనకు జాతీయస్థాయిలో ఉద్యమం

ఐక్యత చాటుతున్న ఆర్‌.కృష్ణయ్య, తెలంగాణ, ఏపీ బీసీ సంఘాల నేతలు

కాచిగూడ, న్యూస్‌టుడే: చట్టసభల్లో బీసీలకు 50 శాతం రిజర్వేషన్ల సాధనకు జాతీయస్థాయిలో ఉద్యమం చేపట్టనున్నట్లు బీసీ సంక్షేమ సంఘం జాతీయ అధ్యక్షుడు, రాజ్యసభ సభ్యుడు ఆర్‌.కృష్ణయ్య తెలిపారు. సోమవారం హైదరాబాద్‌ కాచిగూడలోని హోటల్‌లో ఏపీ బీసీ సంక్షేమ సంఘం రాష్ట్ర అధ్యక్షుడు మారేష్‌ అధ్యక్షతన తమిళనాడు, కర్ణాటక, కేరళ, ఒడిశా, తెలంగాణ, ఏపీ రాష్ట్రాల అధ్యక్ష, కార్యదర్శులతో నిర్వహించిన సమావేశంలో బీసీ యువజన విభాగం ఏపీ రాష్ట్ర అధ్యక్షుడిగా నెల్లూరుకు చెందిన షేక్‌ అబ్దుల్‌ కలాంను ప్రకటించారు. బీసీ సంక్షేమ సంఘం జాతీయ కన్వీనర్‌ గుజ్జ కృష్ణ, ఏపీ మహిళా రాష్ట్ర అధ్యక్షురాలు వేముల బేబీరాణి, జాతీయ మహిళా ప్రధాన కార్యదర్శి పద్మజ తదితరులు పాల్గొన్నారు.