Crime News: నయీం అనుచరుడు శేషన్న అరెస్టు

హైదరాబాద్: కరడు కట్టిన నేరగాడు, మాజీ నక్సలైట్‌ నయీం ప్రధాన అనుచరుడు శేషన్నను పోలీసులు అరెస్టు చేశారు. ఆయుధాల కేసులో శేషన్నను అరెస్టు చేసినట్లు పశ్చిమ మండలం డీసీపీ జోయల్ డేవిస్ ప్రకటించారు. అతడి నుంచి ఓ పిస్తోలు, 5 రౌండ్ల తూటాలు స్వాధీనం చేసుకున్నారు. గతంలో నయీంతో కలిసి శేషన్న అనేక బెదిరింపులకు పాల్పడ్డట్లు పోలీసులు తెలిపారు. హత్యలు, భూ సెటిల్‌మెంట్లు చేశాడు. శేషన్నపై ఇప్పటివరకు 9 కేసులు ఉన్నాయని, ఐపీఎస్ అధికారి కేఎస్‌ వ్యాస్ హత్య కేసులోనూ నిందితుడని డీసీపీ జోయల్ డేవిస్ పేర్కొన్నారు. 2016లో షాద్‌నగర్‌లో జరిగిన ఎన్‌కౌంటర్‌లో నయీం మరణించాడు. అప్పటి నుంచి శేషన్న పరారీలో ఉన్నాడు.