కమనీయం.. నృత్యోత్సవం

రవీంద్రభారతి, న్యూస్‌టుడే:  తెలంగాణ సాహిత్య అకాడమీ ఆధ్వర్యంలో బతుకమ్మ సంబురాల్లో భాగంగా రవీంద్రభారతి ప్రధాన మందిరంలో నిర్వహిస్తున్న ‘దేవి వైభవ నృత్యోత్సవం’ ప్రేక్షకులకు కనువిందు చేస్తోంది. మంగళవారం నాట్య గురువులు మంజుల రామస్వామి, పసుమర్తి రామలింగశాస్త్రి తమ శిష్యబృందంతో కూచిపూడి, భరతనాట్యం, పేరిణి ప్రకాష్‌ పేరిణి ప్రదర్శనతో ఆకట్టుకున్నారు. కార్యక్రమంలో సాహిత్య అకాడమీ ఛైర్మన్‌ జూలూరు గౌరీశంకర్‌, ఎమ్మెల్సీ సురభి వాణీదేవి, సంగీత నాటక అకాడమీ ఛైర్మన్‌ దీపికారెడ్డి, భాషా సాంస్కృతిక శాఖ సంచాలకులు మామిడి హరికృష్ణ, సంగీత నాటక అకాడమీ కార్యదర్శి వసుంధర పాల్గొన్నారు.