20 నుంచి గ్రీన్‌ బిల్డింగ్‌ కాంగ్రెస్‌

ఈనాడు, హైదరాబాద్‌: ఆసియాలోనే అతిపెద్ద సదస్సు, ప్రదర్శనకు హైదరాబాద్‌ మూడోసారి అతిథ్యం ఇవ్వబోతుంది. అక్టోబరు 20 నుంచి 22 వరకు హైటెక్స్‌లో 20వ గ్రీన్‌ బిల్డింగ్‌ కాంగ్రెస్‌-22ని నిర్వహిస్తున్నట్లు సీఐఐ- ఇండియన్‌ గ్రీన్‌ బిల్డింగ్‌ కౌన్సిల్‌(ఐజీబీసీ) తెలిపింది. గురువారం తాజ్‌కృష్ణాలో ఏర్పాటు చేసిన విలేకరుల సమావేశంలో ఐజీబీసీ హైదరాబాద్‌ ఛాప్టర్‌ ఛైర్మన్‌ సి.శేఖర్‌రెడ్డి మాట్లాడుతూ.. సదస్సుకు 3వేల మంది ప్రతినిధులు హాజరవుతున్నట్లు చెప్పారు.  హరిత భవనాల ఉద్యమాన్ని మరింత ముందుకు తీసుకెళ్లేందుకు సదస్సు ఉపకరిస్తుందని ఎగ్జిక్యూటివ్‌ డైరెక్టర్‌ ఎస్‌.వెంకటగిరి తెలిపారు. తెలంగాణలో 514 ప్రాజెక్టులు రిజిస్టర్‌ అయ్యాయని తెలిపారు. వరల్డ్‌ గ్రీన్‌ బిల్డింగ్‌ కౌన్సిల్‌, తెలంగాణ రాష్ట్ర ప్రభుత్వ తోడ్పాటుతో నిర్వహిస్తున్న ఆసియాలోనే అతిపెద్ద సదస్సు, ప్రదర్శన ఇది అని ఐజీబీసీ డిప్యూటీ ఎగ్జిక్యూటీవ్‌ డైరెక్టర్‌ ఎం.ఆనంద్‌ అన్నారు.  ఎగ్జిక్యూటివ్‌ బోర్డు సభ్యుడు చిరాక్‌ బైజల్‌ తమ సంస్థ అనుభవాలను వివరించారు.