కూరగాయ కిలో రూ.100

మాంసాహారంతో పోటీపడుతున్న శాకాహారం

ఈనాడు, హైదరాబాద్‌: వర్షాలకు పంటలు బాగా దెబ్బతిన్నాయి.. రవాణా ఖర్చులు పెరిగాయి.. వీటికితోడు దళారులు నేరుగా రైతుల దగ్గరకే వెళ్లి కొని వాటినే హోల్‌సేల్‌, రైతుబజార్లకు తెచ్చి అమ్ముతున్నారు. ఇలా కారణాలు ఏవైనా కూరలు కొనాలంటే సామాన్యులకు భారమవుతోంది. ధరలు మాంసాహారంతో పడుతున్నాయి. కిలో కూరగాయ ఏదైనా రిటైల్‌ మార్కెట్‌లో రూ.100కు అటుఇటుగా భగ్గుమంటున్నాయి. ఆకుకూరలూ రూ.30-40 పెడితే కానీ నలుగురున్న ఇంట్లో పప్పులో వేసుకోడానికి రావు. కొత్తిమీర రూ.10 ఇస్తే 3 మొలకలున్న కట్ట రావడంలేదు. మునగ ఒకటి రూ.15-20 పలుకుతుంది. ఇక కూరగాయల ధరలు ఎవరైనా కిలోకి చెప్పడంలేదు. వెంకటరమణ కాలనీలో ఓ దుకాణదారుడు పావుకిలో ధరలే చెబుతుండటం పరిస్థితికి అద్దంపడుతోంది.