కవులు సమాజానికి మార్గనిర్దేశం చేయాలి

మాట్లాడుతున్న ఆర్‌.కృష్ణయ్య

నల్లకుంట, న్యూస్‌టుడే: కవులు సమాజానికి మార్గనిర్దేశం చేయాలని ఎంపీ, బీసీ సంక్షేమ సంఘం జాతీయ అధ్యక్షుడు ఆర్‌.కృష్ణయ్య అన్నారు. తెలంగాణ కవుల సంఘం, బీసీ ఉపాధ్యాయుల సంఘం, కళాసూర్య సాంస్కృతిక సంస్థ సంయుక్త ఆధ్వర్యంలో సోమవారం విద్యానగర్‌ బీసీ భవన్‌లో నిర్వహించిన కవి సమ్మేళనంలో ఆయన మాట్లాడారు. కవులు తమ రచనల ద్వారా సమాజాన్ని చైతన్యం చేయాలని సూచించారు. కవులు, రచయితలను సన్మానించారు. డాక్టర్‌ అమ్మంగి వేణుగోపాల్‌, సుతారపు వెంకటనారాయణ, నాళేశ్వరం శంకరం, అనుముల ప్రభాకరచారి, మహ్మద్‌ అబ్దుల్‌ రషీద్‌ తదితరులు పాల్గొన్నారు.