శాంతి సభకు అనుమతివ్వలేదని పాల్‌ ఆమరణ దీక్ష

దీక్షలో డా.కేఏ పాల్‌

అమీర్‌పేట: జింఖానా మైదానంలో ఆదివారం నిర్వహించిన ప్రపంచ శాంతి సభకు రాష్ట్ర ప్రభుత్వం అనుమతివ్వలేదని నిరసిస్తూ ప్రజాశాంతి పార్టీ అధ్యక్షులు కేఏ పాల్‌ అమీర్‌పేటలోని పార్టీ కార్యాలయంలో సోమవారం ఆమరణ దీక్ష చేపట్టారు. పాల్‌ మాట్లాడుతూ.. ఎంతోమంది ప్రముఖులు సభకు వస్తున్నారని 106సార్లు చెప్పానని, సభకు ప్రభుత్వం అనుమతి ఇవ్వలేదని మండిపడ్డారు. ముఖ్యమంత్రి కేసీఆర్‌ వైఖరికి నిరసనగా ఆమరణ దీక్షకు దిగుతున్నానని తెలిపారు. రాష్ట్రాన్ని దోచుకున్నది సరిపోక ఇప్పుడు దేశాన్ని దోచుకోవడానికి కేసీఆర్‌ కుటుంబం ప్లాన్‌ చేస్తుందని ఆరోపించారు. పోలీసులు కేసీఆర్‌ చేతిలో పావులుగా మారారన్నారు.