శంషాబాద్‌ విమానాశ్రయంలో భారీగా బంగారం పట్టివేత

శంషాబాద్‌: నగరంలోని శంషాబాద్ అంతర్జాతీయ విమానాశ్రయంలో కస్టమ్స్ అధికారులు భారీగా బంగారం స్వాధీనం చేసుకున్నారు. ఇద్దరు ప్రయాణికుల నుంచి రూ.68.44 లక్షల విలువ చేసే 1.36 కిలోల బంగారాన్ని అధికారులు స్వాధీనం చేసుకున్నారు. బ్యాంకాక్ నుంచి వచ్చిన భారతీయ ప్రయాణికుడి నుంచి 865.6 గ్రాములు, మరో ప్రయాణికురాలి నుంచి 435 గ్రాముల బంగారం స్వాధీనం చేసుకున్నారు. బంగారాన్ని పేస్టు రూపంలో చేసి లోదుస్తుల్లో దాచి అక్రమంగా తీసుకువస్తున్నట్లు కస్టమ్స్ అధికారులు గుర్తించారు. మరో కేసులో రూ.6.90 లక్షలు విలువైన 69 వేల విదేశీ సిగరెట్లను స్వాధీనం చేసుకొని దర్యాప్తు చేస్తున్నారు.