కారు, బైక్‌ ఢీ.. ఇద్దరు మృతి

ఆమనగల్లు: కారు, బైక్‌ ఢీకొన్న ఘటనలో ఇద్దరు మృతి చెందారు. రంగారెడ్డి జిల్లా ఆమనగల్లు మండలం చింతలపల్లి గ్రామ సమీపంలో ఆమనగల్లు - షాద్‌నగర్‌ రహదారిపై బుధవారం రాత్రి కారు, బైక్‌ ఢీకొన్నాయి. స్థానికులు, పోలీసులు తెలిపిన వివరాల ప్రకారం నాగర్‌కర్నూలు జిల్లా వెల్దండ మండలం బర్కత్‌పల్లి గ్రామానికి చెందిన కోల రామకృష్ణ సొంత బావ అయిన రంగారెడ్డి జిల్లా మాడుగుల మండలానికి చెందిన కడారి మల్లేశ్‌తో కలిసి కేశంపేట మండల కేంద్రానికి వెళ్లి తిరిగి వస్తుండగా ప్రమాదం జరిగింది. ఈ ప్రమాదంలో ద్విచక్రవాహనంపై ప్రయాణిస్తున్న రామకృష్ణ(26) అక్కడికక్కడే ప్రాణాలు కోల్పోయారు. కడారి మల్లేశ్‌ (33) మార్గమధ్యంలో మృతి చెందారు.