జాతీయ స్థాయి క్రీడాకారులుగా ఎదగడం అభినందనీయం

క్రీడా జ్యోతి వెలిగిస్తున్న జయేశ్‌ రంజన్‌

హబ్సిగూడ, న్యూస్‌టుడే: హైదరాబాద్‌ పబ్లిక్‌ స్కూల్‌లో చదువుతున్న విద్యార్థులు జాతీయ స్థాయి క్రీడాకారులుగా ఎదగడం అభినందనీయమని పరిశ్రమలు, ఐటీ శాఖ ముఖ్య కార్యదర్శి జయేశ్‌ రంజన్‌ అన్నారు. రామంతాపూర్‌ హైదరాబాద్‌ పబ్లిక్‌ స్కూల్‌ 43వ వార్షిక క్రీడోత్సవాలు శనివారం నిర్వహించారు. ఆయన ముఖ్య అతిథిగా హాజరై క్రీడా జ్యోతి వెలిగించి ఆటల పోటీలను ప్రారంభించారు. అనంతరం క్రీడల్లో గెలిచిన విజేతలకు బహుమతులను అతిథులు ప్రదానం చేశారు.ఉప్పల్‌ ఎమ్మెల్యే బేతి సుభాష్‌రెడ్డి, ప్రిన్సిపల్‌ డా.సల్లారం నర్సింహారెడ్డి, సొసైటీ ఛైర్మన్‌ గుస్తీనోరియా, సొసైటీ సభ్యులు పాల్గొన్నారు.